Hendingsdrivne makroar
Denne bolken omtalar korleis du kan kopla BASIC-program til programhendingar.
Du kan køyra ein makro automatisk når ei bestemt hending skjer i programmet ved å kopla makroen til hendinga. Tabellen viser ei oversikt over programhendingar og når ein tilkopla makro vert køyrd.
Hendingar |
Ein tildelt makro vert køyrd … |
Starta programmet |
… etter at eit LibreOffice-program er starta. |
Avslutta programmet |
… før at eit LibreOffice-program er avslutta. |
Opprett dokument |
… etter at eit nytt dokument er oppretta med Fil → Ny eller med knappen Ny. |
Opna dokument |
… etter at eit dokument er opna med Fil → Opna eller med knappen Opna. |
Lagra dokumentet som |
… før eit dokument er lagra med eit spesifikt namn (med Fil → Lagra som, med Fil → Lagra, eller med knappen dersom dokumentet ikkje har fått namn). |
Dokumentet er lagra som |
… etter at eit dokument er lagra med eit spesifisert namn (med Fil → Lagra som eller Fil → Lagra eller med knappen Lagra viss dokumentet ikkje har fått namn). |
Lagra dokument |
… før eit dokument vert lagra med Fil → Lagra eller med knappen Lagra, viss dokumentet har fått namn. |
Dokumentet er lagra |
… etter at dokumentet er lagra med Fil → Lagra eller med Lagra dersom dokumentet alt har fått eit namn. |
Lukke dokumentet |
… før eit dokument vert lukka. |
Dokumentet vert lukka |
…etter at dokumentet er lukka. Merk at hendinga «Lagra dokument» også kan førekoma når dokumentet er lagra før det vert lukka. |
Aktivera dokumentet |
…etter at eit dokument er flytt fremst. |
Gå frå dokument |
…etter at eit anna dokument er flytt fremst. |
Skriva ut dokument |
…etter at dialogvindauget Skriv ut er lukka, men før utskrivinga har byrja. |
JavaScript køyretidsfeil |
… når det oppstår ein køyretidsfeil i JavaScript. |
Skriv brevfletting |
… etter at dialogvindauget Skriv ut er lukka, men før utskrivinga har byrja. Dette skjer for kvar kopi som vert skrive ut. |
Endra sidetalet |
… når sidetalet vert endra. |
Melding motteken |
… viss ei melding er motteken. |
Knyte ein makro til ei hending
-
Vel Verktøy → Tilpass og klikk på fana Hendingar.
-
Vel i nedtrekkslista Lagra i om tilordninga skal vera gyldig globalt eller berre for det gjeldande dokumentet.
-
Vel hending frå Hending-lista.
-
Trykk på Makro og vel makroen som skal brukast i den markerte hendinga.
-
Trykk på OK for å tildela makroen.
-
Trykk på OK for å lukka dialogvindauget.
Fjerna tildelinga av ein makro frå ei hending
-
Choose Verktøy → Tilpass og klikk på fana Hendingar.
-
Vel om du vil fjerna ei global tildeling eller ei tildeling som gjeld berre for det gjeldande dokumentet ved å merkja alternativet i listeboksen Lagra i.
-
Vel hendinga som inneheld den tildelinga som skal fjernast, frå lista Hending.
-
Trykk på Slett.
-
Trykk på OK for å lukka dialogvindauget.